தென் கிழக்கில் .. தெக்கத்தியான் (தெற்கத்தியான்) 28-இந்தோனேசியாவை இன்றும் வலம் வரும் தமிழ்/ இந்திய சொற்கள்

 

இந்தோனேசியாவை இன்றும் வலம் வரும் தமிழ்/ இந்திய சொற்கள்

 

வங்கக்கடலின் மறு கரையில் தமிழகத்தைத் தழுவிய கடல் அலை தாலாட்டும் வண்ணம் தூர கிழக்கில் அமைந்து இருக்கும் பதினெட்டாயிரத்துக்கும் அதிகமான தீவுக்கூட்டங்களில் தொகுதியே இன்றைக்கு இந்தோனேசியா என்ற ஒரு நாடாக உருப்பெற்று இருக்கிறது. பல்வேறு இன , மொழி,கலாச்சார மக்களை இணைத்து உருவான இந்த நாட்டில் இந்தோனேசிய மொழி (BAHASA INDONESIA ) என்ற ஒற்றை மொழியினை வைத்து அனைத்துத் தீவின் வேறுபட்ட மக்களையும் இணைத்துத் தாயாகித் தயாபரனாய் விளங்குகிறது. 

(A SHORT VERSION OF THIS ARTICLE PUBLISHED IN DHINA MALAR DAILY ON 12-02-26)

தீவுக்கூட்டம் முழுவதும் 700 வெவ்வேறு மொழிகளைப் பேசுபவர்களுக்கு இந்தோனேசிய மொழி தொடர்பு மொழியாக செயல்படுகிறது. அவரவர் தாய் மொழிக்கும் இணைப்பு மொழியான இந்தோனேசியா மொழிக்கும் இடையில் இருக்கும் தாக்கங்கள் காரணமாக அடிப்படியில் இந்தோனேசிய மொழி, மலாய் மொழி என்ற போதிலும், புருனே, மலேசியா மற்றும் சிங்கப்பூரில் பயன்படுத்தப்படும் மலாய் மொழியின் வடிவத்திலிருந்து பல அம்சங்களில் வேறுபடுகிறது.

இந்தோனேசிய மொழி, சமஸ்கிருதம், தமிழ், சீனம், ஜப்பானியம், அரபு, ஹீப்ரு, பாரசீகம், போர்த்துகீசியம், டச்சு, ஆங்கிலம், பிரெஞ்சு, கிரேக்கம், லத்தீன் மற்றும் பிற ஆஸ்ட்ரோனேசிய மொழிகளிலிருந்து பல சொற்களைக் கடன் வாங்கியுள்ளது.

அதே வேளையில் வேறுபட்ட கால கட்டத்தில் நிகழ்ந்த சரித்திர நிகழ்வுகளின் காரணமாகவும், பூகோள, வணிகக் காரணிகளாலும், உலகத்தின் பல்வேறு இன மக்களும் இந்த மண்ணில் காலூன்றி இருந்த காரணத்தால் அந்த நாட்டவரின் மொழி எச்சங்களையும் ஏற்றுக்கொண்டு தனதாக்கி வைத்துக் கொண்டு இருக்கிறது. பல மொழிகளின் சொல்லாடல்கள்/ சொற்கள் அந்தந்த நாடுகளின் நாற்றங்காலில் இருந்து எடுத்து நடப்பட்ட வயல் வெளிக்களாக இந்தோனேசியா மொழி திகழ்வதால், அவை இந்தோனேசியா மொழியாகவே வேர்பிடித்து முளைத்துத் தழைத்து நிற்கிறது.

வேர்களைக் காணும் வேளை மட்டுமே வெளியில் இருந்து கடன் வாங்கி வந்தவை என்று தெரிகிறது. அந்த வகையில் தமிழக / இந்திய மொழிகளின் பல்வேறு சொற்களும் நமது நூற்றாண்டு கால வணிகர்கள், அரசர்கள், மாலுமிகள், கடற்படை வீரர்கள் மதங்கள் பரப்பிய மாதவர்கள் இவர்களுடன் கடல் கடந்து பயணம் செய்து இங்கே ஊர் மாறி, கொஞ்சம் பேர் மாறி ஆயின் வேர் மட்டும் மாறாது இளமையோடு தம்மை அடையாளம் காட்டுகின்றன.

 

அப்படி நாடு கடந்தும் தம் வீடு நினைவாய் வாழும் சில தமிழ்/ இந்திய சொற்களை உங்களுக்கு காட்சிப்படுத்துவதே இந்தக் கட்டுரையின் நோக்கம்.

இந்தியாவில் இருந்து ஆரம்பகால இந்து மற்றும் பௌத்த செல்வாக்கு இந்தோனேசிய மொழியில் பல சமஸ்கிருத சொற்களுக்கு வழிவகுத்தது (குறிப்பாக ஜாவானிய செல்வாக்கின் மூலம் ஏற்றுக்கொள்ளப்பட்டது). இந்திய வணிகர்கள் தமிழ் மற்றும் சமஸ்கிருதம் தொடர்பான மொழிகளிலும் சொற்களை பங்களித்திருக்கலாம். 

நான்கு பெரிய மொழி அலைகள் இந்தோனேசியாவில் கரைகளில் தமிழ் மொழியின் தாக்கத்தைச் சேர்த்தன.

⭐1.ஆரம்பகால கடல்சார் வர்த்தகம் (கிமு 1000 - கிபி 500)

எந்த ஒரு அந்நிய தேசத்தினரும் கால் பதிக்காத இந்தக் கால கட்டத்திலேயே தமிழகத்தில் இருந்து பல்லவர், பாண்டியர் மாற்று சேரர் தங்கள் மரக் கலங்களை இன்றைய இந்தோனேசியா என்று அழைக்கப்படும் தீவுகளின் கரைகளில் நங்கூரம் பாய்ச்சி நிறுத்தி இருந்தனர்.

·         நாகப்பட்டினம் → ஆச்சே

·         காவேரிப்பட்டினம் → பாருஸ்

·         பூம்புகார் → பாலேம்பாங்

·         காயல் → கெடா → ஜாவா

தமிழ் வணிகர்கள் கொண்டு வந்தவை: பருத்தி, ஜவுளி, மணிகள், உலோகப் பொருட்கள், யானைகள், மசாலாப் பொருட்கள். இந்தோனேசியர்கள் தமிழ் வணிகச் சொற்களைத் தத்தெடுத்துத் தாமதாக்கிக் கொண்டனர்.

🏛 2) பல்லவ–தமிழ் எழுத்துமுறை செல்வாக்கு (கிபி 4–8 ஆம் நூற்றாண்டு)

இந்தோனேசியாவின் ஆரம்பகால (ஸ்ரீவிஜய, குத்தை, தருமநகாரா / Śrivijaya, Kutai, Tarumanagara) கல்வெட்டுகள் அனைத்துமே பல்லவ கிரந்த எழுத்துக்களில் எழுதப்பட்டுள்ளன - இது ஒரு தமிழ்-சமஸ்கிருத எழுத்து. இந்த எழுத்துமுறை இங்கெல்லாம் பரவியது :

·         சுமத்ரா

·         ஜாவா

·         பாலி

·         கம்போடியா

·         தாய்லாந்து

·         பிலிப்பைன்ஸ்

இதன் மூலம், தமிழ் ஒலிப்பு முறை மற்றும் தமிழ்ச் சொற்கள் பலவும் மலாய்/பழைய ஜாவானிய மொழியில் நுழைந்தது.

🛕 3) சோழர்-ஸ்ரீவிஜய சகாப்தம் (10-13 ஆம் நூற்றாண்டு) 

இந்தோனேசிய மண்ணில் தமிழர்களின் வர்த்தகம், தமிழ் வணிகர் குழுக்களின் குடியிருப்புகள் (அய்யாவோல் 500, மணிகிராமம்), கோவில் கட்டுதல், நாணயம் நிர்வாகம் ஆகியவை ராஜேந்திர சோழனின் கடாரம் (கெடா) மற்றும் ஸ்ரீவிஜயா (சுமத்ரா + மலாய் தீபகற்பம்) ஆகிய இடங்களின் மீதான கடற்படைப் முற்றுகைக்குப் பிறகு வலுப்பெற்றது. தமிழ் வர்த்தகக் குழுக்கள் பாரஸ் பாலேம்பாங் ஜம்பி கெடா மலாக்கா ஆச்சே 

ஆகிய இடங்களில் நிரந்தரக் குடியிருப்புகளை அமைத்து அங்கேயும் தாயகத்துக்குமாக கப்பல்களில் உலவிக்கொண்டு இருந்தனர். வர்த்தகம், நிர்வாகம், கைவினை, விவசாயம் போன்ற துறைகளில் பஹாசா இந்தோனேஷியா தமிழ் வார்த்தைகளை உள்வாங்கியது.   

இந்தோனேசிய மொழியில் இன்றும் பயன் பாட்டில் இருக்கும் சில தமிழ் மூல வார்த்தைகளை இங்கே பட்டியல் இட்டு இருக்கிறேன். தினமும் வேர்ச் சொற்களை ஆழ்ந்து ஆயும் வேளை, நிறைய புதிய வார்த்தைகள் கிடைக்கின்றன. எனவே இந்தப்பட்டியல் நீளும். காலம் கை கொடுத்தால் ஒரு இந்தோனேசியா -தமிழ்/ இந்திய வார்த்தைகளின் அகராதியை அமைத்து விட முடியும்.  உங்கள் வாழ்த்துகளாலும் தமிழ் அன்னையின் ஆசிகளாலும் அது நிறைவேறும்.

இதோ பட்டியல் ..

வ.எண்	BAHSA INDO	தமிழில்	MEANING
1
2	ACARAM	அச்சாரம்
3	ACU	அச்சு
4	ANDAI	அண்டை (அருகாமை )
5	APAM	அப்பம்
6	ARTI	அர்த்தம்
7	AYAH	அய்யா
8	BADAI	வாடை (காற்று )
9	BAGAI	வகை
10	BAGI	பகு
11	BAJI	வாச்சி - கூர்மை
12	BATIL	வட்டில்
13	BEDI	வெடி
14	BENDA	பண்டம்
15	BENDAHARA	பண்டாரம்
16	BICU	வீச்சு
17	CANAI	சாணை
18	CEMETI	சம்மட்டி
19	CEREPELAI	கீரிப்பிள்ளை
20	CERPU	செருப்பு
21	CERUTU/ SERUTU	சுருட்டு
22	CETI	செட்டி
23	CUKAI	சுங்கம்
24	CUKU	சுக்கு
25	CUMA	சும்மா
26	GUNDU	குண்டு
27	GURINDAM	கிரந்தம்
28	HELAI	இலை
29	JODOH	சோடி
30	JOLI	டோலி
31	KAMBI	கம்பி
32	KAPAL	கப்பல்
33	KARI; KARE	கறி
34	KADAI/KEDAI	கடை
35	KATELUM	கொத்தளம்
36	KATI	கட்டி
37	KATIK	கட்டை
38	KATIL	கட்டில்
39	KAWAL	காவல்
40	NGAWAL	காவல்
41	KEDELAI	கடலை
42	KALEDAI	கழுதை
43	KETUMBAR	கொத்தமல்லி
44	KODI	கோடி
45	KOLAM	குளம்
46	KONDE; KUNDAI	கொண்டை
47	KORUNDUM	குருந்தம்
48	KUDAI	கூடை
49	KUIL	கோயில்
50	KULAI	குலை	to untie, loosen, dishevel
51	KULI	கூலி
52	KUNDI	குன்றி மணி என்பதே குண்டி ஆனது
53	KALASAN	கலசம்
54	KATA	சொல்லுங்கள்/கதையுங்கள்
55	KAWI	கவி
56	KECIL	கிச்சிலி (சிறிய ரக)- (சம்பா)
57	KUMBUL	கும்பல்
58	LADAM	லாடம்
59	LEBAI	லப்பை
60	LOGAM	உலோகம்
61	MADALI	மத்தளம்	a kind of drum
62	MALAI	மாலை	anything strung together
63	MALIGAI	மாளிகை	top floor of a storied building
64	MANGGA	மாங்காய்	mango
65	MANIK	மணி
66	MANIKAM	மாணிக்கம்	gem, precious stone
67	MARU	மாற்று	to change, alter
68	MATU	மாற்று	degree of fineness of gold or silver
69	MEMPELAM	மாம்பழம்	mango fruit
70	MERUNGGAI	முருங்கை	Moringa
71	METAI	மெத்தை	bed, cushion
72	METERAI	முத்திரை	1. impress, mark, Seal, Stamp etc.,
73	MISAI	மீசை	moustache
74	MODAL	முதல்/ முதலீடு	principal, fund, capital, money yielding interest
75	MUNDAM	முந்தை	small vessel
76	MUTU	முட்டு	difficulty, as in passing,
77	MABUK	மயக்கம்
78	MADU	மது ( தேன் )
79	MANGA	வாங்க! வாங்க!
80	MASA	மாதம் /மாசம்
81	MEMPELAI	மாப்பிள்ளை
82	MENDOPO/PENDOPO	மண்டபம்	MANDAPA
83	MUKA	முகம்
84	MULA	மூலம்
85	MYNA	மைனா	BIRD
86	NAGA	நாகம்
87	NALI	நாழி
88	NELAYAN	வலைஞன்
89	NILA	நீல
90	NILAI	நிலை
91	NILAKANDI	நீலகண்டன்
92	NILAM	நீலம்
93	ONDE -ONDE	உண்டை	ball, globe,
94	PANAI	பானை	1. large earthen pot or vessel/2.measaure of capacity. 3. Oil measure. 4.Cembu
95	PANCALOGAM	பஞ்சலோகம்	1. The five kinds of metal, poṉ, irumpu, cempu, īyam, veḷḷi;
96	PANDAM	பண்டம்	1. substance, material, utensils.
97	PANDU	பந்து	relation, kinsman
98	PATAM; PETAM	பந்து	plate of gold worn on the forehead, as an ornament or badge of distinction
99	PAWAI	பவனி	parade
100	PELBAGAI	1. பல, 2 வகை	1. many
101	PERISAI	பரிசை	2. large umbrella, as a badge of honour
102	PERLI	புரளி	1. Lying, falsehood;
103	PETI	பெட்டி	chest, trunk, coffer, box
104	PITAM	பித்தம்	lunacy, madness
105	PUADAI	பாவாடை	PUDAVAI
106	PUALAM	பவளம்	red coral
107	PUDI	பொடி	small gem
108	PUTU	புட்டு	Puttu